“Кемел адам” кітабының авторы Қайрат Жолдыбайұлы қонақта

Бүгін мектебімізде шет тілдер кафедрасының “Today a reader, tomorrow a leader” онкүндігіне орай кітап оқу, тұлғалық даму сынды ойларды кеңінен дәріптеу мақсатында керемет кеш өтті. Кеште әйгілі жазушы, қоғам қайраткері, дінтанушы, “Кемел адам” кітабының авторы Қайрат Жолдыбайұлы қонақта болып, өзінің тұшымды ойларымен бөлісті. Мектебіміздің директоры Болат Жанайхан мырза әдемі сұхбат құрып, оқырманға қызық болған біраз сұрақтарға жауап алынды. Қайраткер “Кемел адам” болудың сырларымен бөлісіп, Абайдың “Толық адам” концепциясын ашып берді. Қазақи құндылықтарымызды сақтай отырып жан-жақты даму, кемелдіктің шыңына жету жайында кеңінен ой қозғалды. Сөз соңында автор “Кемел адам” кітабына өз қолтаңбасын қалдырып мектеп кітапханасына сыйға тартты.